Seyðisfjörður fékk kaupstaðarréttindi 1. jan. 1895. Á síðari hluta 19. aldar fluttu margir Norðmenn til Seyðisfjarðar og hófu síldveiðar. Ber bærinn þess merki enn í dag því þar stendur fjöldi fagurra timburhúsa af norsk /svissneskri gerð sem byggð voru um aldarmót.

Menningarlífið er í miklum blóma, sérstaklega á sumrin.  Listahátíðin Á Seyði er haldin árlega.  Sumartónleikarnir Bláa Kirkjan eru flest miðvikudaskvöld og valinkunnir listamenn sýna verk sín í menningarmiðstöðinni Skaftfelli.  Þá er handverksmarkaður opinn allt sumarið.

Seyðisfjörður er milkill ferðamannabær. Þangað siglir Norræna á sumrin með ferðamenn frá Evrópu. 

Margar góðar gönguleiðir eru í Seyðisfirði, t.d. í Vestdal, Bjólf, Loðmundarfjörð og Mjóafjörð.   

Tækniminjasafn Austurlands er í húsi sem upphaflega var íbúðarhús Otto Wathne, byggt árið 1894.  Í safninu er sýning sem fjallar um fjarskipti, ljósmyndun og lækningar.

Sundlaug er á Seyðisfirði. Gisting og veitingar á Hótel Aldan. Farfuglaheimilið Hafaldan býður gistingu og eldunaraðstöðu. Tjaldsvæði er nálægt miðbænum

Boðið er upp á silungsveiði í Fjarðará og golf á Hagavelli. Skíðaaðstaða er í Stafdal.