|
Þegar minnst er á Grenivík eða Grýtubakkahrepp koma Fjörðurnar og Látraströnd fljótt upp í hugann. Á Látraströnd og í Fjörðum var byggð áður fyrr og fóru síðustu jarðirnar í Fjörðum í eyði árið 1944 og nú er aðeins einn bær í byggð á Látraströnd. Þessar gömlu byggðir eru paradís göngumannsins og sífellt fleiri leggja leið sína á þetta svæði til að kynnast fjölbreyttri og fallegri náttúru og sögu forfeðra okkar sem bíður við hvert fótmál.
Byggðarlagið vekur sífellt meiri áhuga ferðamanna og ættu flestir að finna eitthvað við sitt hæfi. Hestaleiga er hjá Pólarhestum á Grýtubakka, Fjörðungar sérhæfa sig í gönguferðum um Fjörður og Látraströnd og Kaldbaksferðir bjóða upp á snjótroðaraferðir upp á Kaldbak. Veiði er í Fnjóská og Fjarðará í Hvalvatnsfirði og þá er hægt að komast í hvalaskoðun frá Grenivík.
Þeir sem hafa tíma til að staldra við utan hringvegarins ættu að taka lykkju á leið sína og heimsækja byggðarlagið og njóta náttúrufegurðar og persónulegrar gestrisni heimamanna. Verið velkomin.
|
   |
|
Á
Leið um Landið | Norðurland | Grenivík -
Á staðnum | Grenivík - Kort |
|
|
Please
mail to webmaster@travelnet.is |
Grenivík tilheyrir Grýtubakkahreppi sem er við austanverðan Eyjafjörð. Í sveitarfélaginu eru 377 íbúar, tæplega 300 í kauptúninu og um 100 í blómlegri sveit suður af Grenivík. Kauptúnið stendur undir fjallinu Kaldbak sem er 1167 m hár. Skemmtilegar gönguleiðir eru upp á Kaldbak, en fyrir þá sem kjósa léttari leiðir er Þengilhöfði ákjósanlegri. Þengilhöfði er 260 m hátt fjall suður af Grenivík. Fleiri fjöll í byggðarlaginu er ögrandi að klífa svo sem Blámannshattur og
Laufáshnjúkur.
Fyrir ferðamenn eru margir skoðunarverðir staðir í sveitarfélaginu. Má þar m.a. nefna Laufás, sem er fornfrægt höfuðból og kirkjustaður. Þar er nú prestsetur og gamall torfbær sem er í vörslu Þjóðminjasafns Íslands. Hann er opinn ferðalöngum til skoðunar.
Á Grenivík er gistiheimili í elsta húsi kauptúnsins, Miðgarðar, og þar er einnig boðið upp á veitingar. Í Jónsabúð er matvöruverslun með kaffi og veitingasölu. Við grunnskólann er góð sundlaug og tjaldstæði. Einnig er hægt að fá svefnpokagistingu í skólanum.
