Velkomin til Skagastrandar

Kauptún á vestanverðum Skaga. Það stendur við allbreiða en stutta vík, sem afmarkast að norðan af Spákonufellshöfða, klettaborg úr stuðlabergi. Spákonufellshöfði er friðlýstur fólkvangur. Verslunarstaður frá fornu fari en höfnin þótti hættuleg. Á síðustu árum hefur verið unnið að hafnarbótum og er þaðan rekin öflug útgerð.
Gistingu er að fá á Hótel Dagsbrún og svefnpokapláss í skíðaskálanum. Kántrýbær rekur veitingasölu. Skíðalyfta er í Spákonufelli. Sundlaug er á Skagaströnd og golfvöllur rétt við bæinn.