Velkomin í Sandgerði

Sandgerði hefur öldum saman verið þekkt sem útgerðarstaður og eru nú gerðir út þaðan hátt í 200 bátar. Kaupstaðarréttindi fékk sveitarfélagið árið 1990 og búa nú rúmlega 1300 manns í Sandgerði. Nafn sitt dregur byggðin af reisulegu húsi, Sandgerði, sem blasir við þegar ekið er inn í bæinn.

Básendar í Sandgerði voru fyrr á öldum einn mikilvægasti verslunarstaður hérlendis, því olli skreiðarverslunin og er frásögn Halldórs Laxness í Íslandsklukkunni er Jón Marteinsson sýnir Jóni Hreggviðssyni Kaupmannahöfn glögg heimild þar um. Básendar-Stafnes og Hvalsnes eru fornir merkisstaðir í Sandgerði. Hvalsnes var fyrrum prestssetur og þar stendur fögur kirkja reist úr tilhöggnum steini. Sr. Hallgrímur Pétursson sálmaskáld var prestur á Hvalsnesi.

Sjómannastofan Vitinn í Sandgerði er ein fárra slíkra á landinu og tilvalið fyrir gesti að skoða hana, þá má einnig benda á Fræðasetrið þar sem gestir geta kynnt sér fugla, fjörur og lífið í sjónum á einstakan hátt. Þá eru hér fyrirtæki sem bjóða sjóstangaveiði, hvala- og hrefnuskoðun og siglingu út í Eldey.

Sem þú sérð lesandi góður þá býðst margt hér í Sandgerði og von okkar að þú njótir vel Velkomin í Sandgerði.