Velkomin til Akraness. Akranes er vaxandi bæjarfélag á Vesturlandi. Hér er mikil gróska jafnt í atvinnulífi sem mannlífi. Frá upphafi hefur sjávarútvegur verið í öndvegi atvinnulífsins, hin síðari ár hefur iðnaður og þjónusta farið vaxandi og tekið til sín sífellt stærri hlut af vinnuafli Akurnesinga.
Á Akranesi býðst almenn þjónusta eins og hún best verður hér er menntamiðstöð Vesturlands, sjúkrahús, lögregla, góðar verslanir fyrirmyndar íþróttaaðstaða ofl.

Akranes er vel í sveit sett fyrir þá sem vilja ferðast um Snæfellsnes og Borgarfjarðarhérað, Hvalfjarðargöng færa Akranes í alfaraleið. Ferðamenn fá góða Þjónustu á Akranesi hér er upplýsingamiðstöð, fjölbreytt gisti- og veitingaaðstaða, afþreying margvísleg. Byggðasafnið að Görðum nýtur æ meiri vinsælda ferðamanna og þeir sem kjósa útivist geta gengið um fjöruna á Langasandi, farið skipulagðar gönguleiðir í bænum, gengið á Akrafjall og notið útsýnisins,golfvöllur er rétt við byggðina, góð aðstaða er fyrir hestamenn.
Þegar að er gáð, býður Akranes upp á margt sem ekki verður fundið annars staðar og okkur er sérstök ánægja að bjóða gestum að njóta þess með okkur.