Ferðamáti

Lega landsins og samskiptahraði nútímans krefjast öflugra flugsamgangna til og frá landinu. Flugleiðir hafa annast það erfiða en mikilvæga hlutverk síðustu áratugi að halda uppi samgöngum í lofti milli Íslands og Evrópu og Íslands og Ameríku allt árið. Önnur flugfélög hafa svo bæst við yfir háferðamannatímann. Skemmtiferðaskip koma hingað að sumarlagi en auk þeirra gengur ferjan Norræna yfir sumarið milli Íslands, Seyðisfjarðar, og Evrópu. Loks má geta þess að Eimskipafélagið annast farþegaflutninga í takmörkuðum mæli.