|
Ferðaþjónusta er sú atvinnugrein sem verið hefur í örustum vexti á Svalbarðsströnd. Þar er nú rekið hótel, nokkur gistiheimili og eitt best búna tjaldsvæði landsins. Fyrir ferðalanginn er líka ýmislegt að sjá og skoða. Safnasafnið er til að mynda eina listasafnið í sveit á Íslandi og náttúruunnandinn getur fundið fjölmargar skemmtilegar gönguleiðir. Bíltúr yfir gamla Vaðlaheiðarveginn er mikil upplifun en vegurinn er ágætlega fær öllum bílum að sumarlagi og útsýnið svíkur engann.
Í sögu sveitarinnar, Svalbarðsstrandarbók, sem út kom árið 1964, eru leiddar að því líkur að kirkja hafi verið á Svalbarði frá miðri 12. öld. Árið 1846 var reist timburkirkja á Svalbarði og rifin kirkja sem þá var 94 ára. Nýja kirkjan var fyrsta timburhús sveitarinnar. Hún þjónaði Svalbarðsströndungum vel og lengi og er enn í fullri notkun því hún var síðar flutt til Akureyrar og er nú þekkt sem Minjasafnskirkjan á Akureyri. Núverandi kirkja á Svalbarði var byggð á árunum 1952-57.
|
   |
|
Á
Leið um Landið | Norðurland | Svalbarðseyri
- Á staðnum | Svalbarðseyri - Kort |
|
|
Please mail to webmaster@travelnet.is |
Svalbarðsströnd
liggur öll undir hlíðum Vaðlaheiðar, um 14 km frá norðri til
suðurs, og er innsti hlutinn af austurströnd Eyjafjarðar.
Landnámsjörð sveitarinnar er Sigluvík þar sem Norðmaðurinn Skagi
Skoptason nam land að ráði Helga magra, sennilega um árið 900
Í
byggðakjarnanum á Svalbarðseyri búa um 180 manns. Þar er miðstöð
sveitarinnar, nýbyggður grunnskóli, leikskóli og sundlaug. 
Nábýlið
við Akureyri hefur óneitanlega mikil áhrif á sveitarfélagið og
íbúa þess enda eiga Svalbarðsströnd og Akureyri mikið og gott
samstarf á ýmsum sviðum. Ekki tekur lengri tíma að aka milli
Svalbarðseyrar og Akureyrar en úr úthverfum Akureyrar og niður í
miðbæ enda stunda fjölmargir Svalbarðsströndungar vinnu á Akureyri.
